A só un ano da Festa da Pita 2009

O 8 de febreiro do 2009 comezará, co Domingo Fareleiro, a XI edición da Festa da Pita. Polo de agora, teremos que nos conformar con ir vendo como se desenvolveu este ano e revisando as fotos dos distintos días, que é unha das cousas que máis nos agrada e que máis mantén no tempo a memoria da festa.

A nível xeral, a X edición foi a máis (ou unha das máis) participativas de todas as que levamos. Introducíase neste ano o xantar -a xeito de convite da voda- ao que cadaquén levaba a súa comida, que despois era compartillada con todas/os as/os comensais. Para iso, a representación da voda era trasladada cara o mediodía. Isto, xunto co Folión (este ano dividido en 2 grupos que percorreron todo o barrio) e o baile da tarde, encheu a programación da xornada até a Queima do Meco dun xeito -achamos- satisfactorio.

Advertisements

Festa da Pita 2008

Xa está ultimado o programa da festa deste ano. Chegados á primeira década de existencia, queremos implementar algúns elementos á festa. Salientamos a realización dun folleto informativo da mesma, dun cartaz interpretativo da máscara -que se repartirá polos centros de ensino dos arredores- e doutro material promocional da festa. Seguindo co costume dos últimos anos, o cartaz do 2008 está realizado por un artista local, que colabora coa Festa da Pita aportando o seu particular punto de vista sobre a mesma. Neste ano foi Manolo Penín quen se sumou aos outros 4 artistas e deseñadores que o precederon (Heitor Rial, Pepe Xoga, Félix Caramés e Paco Boluda). No mesmo apartado promocional, este ano vai significar a chegada da Festa da Pita ao web.

Tambén este ano imos introducir o contido gastronómico no programa, para o cual imos ampliar o programa do “día grande” (Martes de Entroido), onde se vai pasar a Voda da Pita para a mañá (as 13 h.), mudando e ampliando o guión da mesma e implementando o xantar a xeito de “convite dos noivos”. Por último, sinalar que a fita que lucirán os traxes que corran este ano 2008 (e que irá incrementando o número das que saen do broche de cada traxe) será o marrón claro, en referencia ao ano de seca e á mudanza climática.

PROGRAMA