Eis a reportaxe de video da Voda da Pita do ano pasado, do 2010, realizada por un bon profesional e amigo da festa: José Antonio L. Feijóo.
Trátase dun pequeno resumo, mais seguro que serve para lembrarnos como foi a xornada.
Filed under: Uncategorized | Tagged: antroido,carnaval,eiroas,entroido,festa da pita,voda da pita | Leave a comment »
Fechamos unha nova edición da festa. Alá van 24 anos botando foguetes e tentando crear unha identidade cultural, festiva e lúdica para o barrio e o seu contorno. 24 anos que deron para moito, para momentos bos e para momentos aínda mellores, con algúns que outros atrancos aos que sempre se lles atopa solución.
Só queda agradecer a colaboración daquelas persoas e entidades que fixeron posíbel os distintos momentos da festa. Grazas ao Rober V. Araújo, por poñerlle imaxe ao retorno da festa despois da pandemia. Grazas ao Concello de Ourense, pola súa colaboración para levar adiante este entroido de transición. Grazas tamén ao INORDE, que nos cedeu as vallas para tentar ordenar unha praza, que máis semella un parque temático de sinais de tráfico, especialmente transitada por vehículos de fóra do barrio. Grazas aos centros de ensino e a esas outras entidades que traballan tan ben o Entroido e a nosa festa no seu centro, especialmente á nosa escola amiga deste ano, a Escola Oficial de Idiomas de Ourense. Grazas ao Centro Comercial Ponte Vella e a BeOne, que nestes tempos especialmente difíciles permitiron -un ano máis- que seguiramos abusando deles e facendo posíbel que o Entroido chegara ás Eiroás. Grazas ao Paco Sarria, por emprestarnos a súa voz. Grazas ao Pepe Rodríguez, sempre aí, e que este ano -xunto á Marita Álvarez, ao Sebas Mato e ao José Luis Pérez- deron en agasallarnos con unha canción fantástica que logo terá video-clip. E grazas, por enriba de todo, ás veciñas e aos veciños sen cuxa colaboración e participación non tería sentido que o Meco presidira a praza durante estes 16 días. Grazas, tamén, á Pepita Rodríguez e á Maribel González, que seguiron agasallándonos coas súas e orellas de Entroido.
Grazas, por último, a todas as persoas que vos achegastes até As Eiroás, agardando que gozarades da festa ou cando menos da nosa hospitalidade. Fixemos o que puidemos; se nalgo faltamos, outro ano sobraremos. Pola nosa parte, voltaremos colgar o Meco (ou Meca) o 5 de febreiro de 2023 para celebrarmos as vodas de prata da Festa da Pita. Vivide o Entroido, aló onde esteades!
festadapita