Maios 2013

Posted on 03/05/2013 by Festa da Pita

maios2000Xa chegou o Maio

deica As Eiroás

cunha man por diante

e a outra por tras.

E despois duns cuantos anos sen celebrar a festa da primavera n’As Eiroás, voltamos a subir ao monte a facer escolla daqueles vexetais que vexamos máis acaídos para festexar a explosión de cores, aromas e sabores en que se converte a natureza nestas datas. Con el confeccionaremos o Maio, que se expoñerá ao longo do domingo 5 na rúa do Paseo dentro da programación que a Concellaría de Educación e Cultura ten preparado para a presente edición desta Festa de Interese Turístico.

Seguir lendo →

Advertisements

Filed under: Uncategorized | Leave a comment »

  • GRAZAS POR TODO

    E alá foi. Casamos e case embarcamos un Martes e Trece nas Eiroás outra edición da festa. Xa son 20 anos botando foguetes e tentando crear/recuperar unha identidade cultural, festiva e lúdica no barrio e no seu contorno. 20 anos que dan para moito, para momentos bos e para momentos aínda mellores, con algúns que outros atrancos, aos que sempre se lles atopa solución.

    Só queda agradecer a colaboración daquelas persoas e entidades que fixeron posíbel os distintos momentos da festa. Grazas [a última hora e moi recortadas] á Concellaría de Cultura do Concello de Ourense. Grazas tamén á Alcaldía do Concello polas súas xestións e grazas ao INORDE, que nos cedeu as vallas para tentar ordenar unha praza especialmente transitada e que se converte nun grande charco nos días de choiva. Grazas á María Piensos por agasallarnos coa imaxe deste ano. Grazas á nova Escola amiga da Pita -o CEIP de Prácticas– por traballar o Entroido e a nosa festa no seu centro. Grazas ao comercio local, que nestes tempos especialmente difíciles permitiron -un ano máis- que seguiramos abusando deles facendo posíbel que o Entroido chegara ás Eiroás.

    E grazas, por enriba de todo, ás veciñas e aos veciños sen cuxa colaboración e participación non tería sentido que o Meco presidira a praza durante estes 15 días. Moi especial mención, neste senso, a aquelas persoas que acudiron ao noso chamado implicándose de xeito especial na financiación da festa nunha edición especialmente difícil. E grazas, tamén, á Pepita e á Raquel, que seguiron agasallándonos coas súas rosquillas e orellas de Entroido.

    Grazas, por último, a todas as persoas que vos achegastes até As Eiroás, agardando que gozarades da festa ou cando menos da nosa hospitalidade. Fixemos o que puidemos; se nalgo faltamos, outro ano sobraremos.
Pola nosa parte, voltaremos a colgar o Meco (ou Meca) o 17 de febreiro de 2019. Vivide o Entroido, aló onde esteades!

  • VODA DA PITA 2018

  • VODA DA PITA 2017

  • VODA DA PITA 2016

  • VODA DA PITA 2015

  • VODA DA PITA 2014

  • Como nace a festa?

  • Páxinas