Desde o ano 2014, levamos a cabo unha actividade de colaboración cos centros de ensino da nosa cidade. Consiste en visitar ao centro presentando a nosa festa e a nosa máscara e convidar ás/aos escolares a decorar unha parte das olas que se van xogar na xornada do Domingo Oleiro, na praza das Eiroás. A estes centros outorgámoslles o recoñecemento de escolas amigas da Pita, porque ademais de coñeceren mellor a nosa festa, participan activamente na organización da mesma.
Dous anos máis tarde, e coa colaboración do Concello de Ourense, abriuse a opción de visitar máis escolas e colexios, circunstancia que durou 2 telediarios de martes de entroido.
Estas actividades non teñen relación con outras colaboracións que levamos a cabo tamén con centros de ensino, aos que visitamos ou facilitamos algunha máscara. Estoutras colaboracións sempre son menor en número do que gostariamos atender, pois a nosa condición de pequena asociación cultural non nos permite gozar da disponibilidade temporal e dos recursos que fora desexábel para atender ás numerosas solicitudes que chegan cada ano. Grazas pola vosa paciencia.
