Recursos

Neste apartado habemos colgar distintos materiais sobre a festa e a súa máscara. Material gráfico, didáctico, información gráfica, cartaces… para que non digades que só sabemos “colgar” ao Meco.

 

Carautas. Pouco a pouco, imos ir subindo todas as carautas da máscara da Pita existentes na actualidade.

O broche das fitas. Toda a información sobre a perfura de coiro e as súas fitas de cores.

Carteis. Todas as imaxes realizadas para a festa desde o ano 2004

Manualidades. Velaquí algunhas manualidades para que poidades traballar coa nosa máscara amais de pasar un anaco de tempo agradábel.

2.0. Aquí imos pendurar cousas que teñan a ver coas redes sociais ou coas novas tecnoloxías.

  • GRAZAS POR TODO

  • Pechamos unha nova edición da festa. Alá van 25 anos botando foguetes e tentando crear unha identidade cultural, festiva e lúdica para o barrio e o seu contorno. 25 anos que deron para moito, para momentos bos e para momentos aínda mellores, con algúns que outros atrancos aos que sempre se lles atopa solución.
    Só queda agradecer a colaboración daquelas persoas e entidades que fixeron posíbel os distintos momentos da festa. Grazas ao Cosme, por poñerlle imaxe á 25ª edición da festa. Grazas ao Concello de Ourense, pola súa colaboración para levar adiante este entroido de transición. Grazas tamén ao INORDE, que nos cedeu as vallas para tentar ordenar unha praza, que máis semella un parque temático de sinais de tráfico, especialmente transitada por vehículos de fóra do barrio. Grazas aos centros de ensino e a esas outras entidades que traballan tan ben o Entroido e a nosa festa no seu centro, especialmente á nosa escola amiga deste ano, o CEIP Mestre Vide. Grazas ao Centro Comercial Ponte Vella e a BeOne, que nestes tempos especialmente difíciles permitiron -un ano máis- que seguiramos abusando deles e facendo posíbel que o Entroido chegara ás Eiroás. E grazas, por enriba de todo, ás veciñas e aos veciños sen cuxa colaboración e participación non tería sentido que o Meco presidira a praza durante estes 16 días. Grazas, tamén, á Raquel, que un ano máis continuou agasallándonos coas súas rosquillas.
    Grazas, por último, a todas as persoas que vos achegastes até As Eiroás, agardando que gozarades da festa ou cando menos da nosa hospitalidade. Fixemos o que puidemos; se nalgo faltamos, outro ano sobraremos. Pola nosa parte, voltaremos colgar o Meco (ou Meca) o 28 de xaneiro de 2024 para celebrarmos unha nova edición da Festa da Pita. Vivide o Entroido, aló onde esteades!

  • VODA DA PITA 2018

  • VODA DA PITA 2017

  • VODA DA PITA 2016

  • VODA DA PITA 2015

  • VODA DA PITA 2014

A %d blogueros les gusta esto: