As escolas e a nosa Festa

Asoc. Autismo Ourense

Ao longo destes 21 anos de festa fomos visitando unha morea de centros de ensino, asociacións e outros espazos lúdicos, divulgativos e culturais do país para falar do Entroido e do programa de dinamización socio-cultural que supuxo a recuperación e a nova identidade da Festa da Pita. Despois de máis dun cento de visitas, imos vendo como as persoas que asisten ás presentacións (nomeadamente nenas e nenos) van sabendo máis da nosa festa e da nosa máscara ca nós mesmos.

Nos últimos anos, fomos sabedores de distintas iniciativas das que gostamos muito e dalgunha que mesmo nos emocionou. Cada ano suman un bon número os centros de ensino de diversos puntos do país que contactan con nós ou que deciden pescudar información pola súa conta para desenvolver intervencións relacionadas coa nosa festa ou coa nosa máscara.

CEIP de Rebordáns

No presente ano, á parte das visitas que realizamos a varios centros de ensino ourensáns (como o CEIP do Couto, As Mercedes o CPR Miraflores, Salesianos ou Covadonga-As Eiroás), queremos chamar a atención sobre o traballo desenvolvido na Asociación Autismo Ourense, onde confeizoaron diversas versións dalgunhas máscaras do Entroido ourensán e no CEIP de Rebordáns, de Tui, onde prepararon unha exposición sobre a festa, con materiais incluidos, moi completa. Mesmo no seu web podedes ver algumhas imaxes de nenas e dos nenos do centro con distintas manualidades da nosa máscara.

Conscientes de que este traballo só é posíbel cando existe implicación e ganas de traballar por parte dalgunha ou dalgunhas persoas do centro, queremos recoñecer esta labor investigadora e pedagóxica, así como o compromiso desas persoas que -desde o anonimato- fan tanto polo noso patrimonio… traballan tanto pola educación de todas e de todos.

Grazas, amigas e amigos!

 

Domingo Oleiro 2019

Tarde de sol e olas a do pasado domingo nas Eiroás, que nos fai pensar -iso si- nun Entroido un chisco mollado, se atendemos ao refraneiro galego.

Eran ao redor das 5 da tarde cando as Pitas e os músicos facían a entrada na praza das Eiroás levando o carro coas olas pintadas o día anterior polas nenas e polos nenos das Eiroás amais dun obradoiro realizado na Ludoteca da Ponte algúns días antes.

Mentres as persoas máis xoves xogaban con globos e mesmo con cuncas de barro, as máis maiores ían dando conta das olas que voaban polo ceo das Eiroás procurando unha man amiga que as apañara antes de escachar. Velaquí algunhas imaxes da tarde. Seguir lendo

Os migrantes na fita do 2019

A cor escollida para engadir á perfura daquelas Pitas que corran o Entroido deste ano 2019 é o AZUL “europea”. Con esta cor queremos reflexionar sobre as migracións masivas de persoas que chegan das rexións máis empobrecidas e con maior número de conflitos bélicos do planeta, provocados pola usurpación que facemos dos seus recursos e polos golpes de Estado promovidos polos “países ricos”, e que están convertindo o Mediterráneo na grande foxa común da vergoña.

Estamos deixando morrer ás nais, aos pais, irmás e irmáns de quenes van conformar a cidadanía da futura Unión Europea.

Se non queremos que as nosas fillas e os nosos fillos teñan que avergoñarse e renegar de nós dentro de 2 ou 3 décadas, por ter deixado morrer a milleiros de nenas e nenos na porta das nosas casas, imos ter que ir poñéndonos as pilas e reorganizar a orde de prioridades na xestión do público, situando o dereito á vida por enriba da protección ao sistema financeiro.

Podes consultar aquí as cores de todos os anos.

Programa 2019

Velaí ven o Entroido. E -como non- nas Eiroás chega unha nova edición da Festa da Pita, que xa suma 21 edicións. Este ano, a primeira lúa da primavera fai que vaiamos gozar dun Entroido un chisco máis serodio do habitual e -ben seguro- con moita máis gana de festa. Arrinca a festa o domingo 17, contando coas benzóns e as licencias oportunas das autoridades do barrio e sabendo que este ano o Meco contará coas veciñas e veciños do barrio como asesores de imaxe. Pero iso será o domingo, pouco antes do xantar, cando deamos saída á celebración do Entroido en todo o término municipal do concello de Ourense. Para alén da participación no desfile da cidade ou doutras actividades promocionais e divulgativas, o programa deste ano nas Eiroás segue a tónica das edicións anteriores, consistindo no seguinte: Seguir lendo

Martes de Entroido

Queriades auga? Pois velaí foi, para regar unha terra que xa nin lembra onde quedaron a metade dos nacentes das súas fontes. Disque “en martes e trece nin te cases nin te embarques“, pero nas Eiroás atrevímonos a casar e -a pouco máis- tivemos que embarcar coa cantidade inxente de auga que se acumulou na praza. Así a todo, alá vai unha nova edición da Voda e da festa. 20 anos botando foguetes que dan para moito, para bos momentos e para momentos aínda mellores.
Arrincaba a xornada sen poder facer o percorrido polo barrio, por causa da moita choiva que caía antes do mediodía. Soaban os teléfonos perguntando se ía haber Voda da Pita, e a resposta era sempre a mesma: “Nunca deixou de facerse”. Seguir lendo

Volveu farelar nas Eiroás

Así foi o Domingo Fareleiro nas Eiroás. A xornada comezaba xa de mañá coa chegada do Meco e a habitual recepción por parte das autoridades do barrio. Acompañaban ao encargado de presidir a praza os seus asesores de imaxe, que neste ano foron os membros da familia Pérez González e un nutrido grupo de veciñas e veciños que non quixeron perderse evento de tanto glamour. Foi un espectáculo ver con que gracianatural trepaba pola farola para encaramarse ao máis alto da praza e marcar a saída da vixésima edición da Festa da Pita. Seguir lendo

Cartaz do 20º aniversario

Xa pasaron 15 anos desde que a imaxe da nosa festa é produto da creación dun artista ourensán, medrando a colección das visións gráficas coas que pintores, deseñadores, ilustradores… nos agasallan cada ano. Este 2018 é un ano especial, pois a Festa da Pita chega á súa 20º aniversario. Foi por isto que demos un pequeno salto, procurando -apartir da presente edición- a implicación de artistas do panorama galego. Así, contamos nesta edición coa colaboración de María Piensos, pintora pop e colorista coruñesa, especialista en Action-Painting e Performance con un amplo currículo e unha extensa obra, que nos achega unha particular visión de máscara.

Podedes ver aquí todos os carteis das edicións anteriores.
Moitas grazas, María, pola túa desinteresada colaboración.

Así foi o Domingo Oleiro

oleiro2017_26Xa ten chovido algo desde aquela primeira edición na que un pequeno grupo de veciñas e veciños do barrio, acompañados polos amigos da xa tristemente desaparecida Agrupación Folclórica Foula, xogaban até escachar as 6 olas de barro e algunha que outra cunca do mesmo material.
Onte, 18 anos despois daquel 7 de febreiro do 1999, eran 60 as olas chegadas do Alto do Couso que protagonizaron unha xornada soleada e moi agradábel na praza das Eiroás.

Acompañáronnos algúns mozos e mozas das novas Escolas amigas da Pita e a Charanga Os Chispas, que amenizou musicalmente a tarde. Gozamos pois dun bon ambiente, dun clima desenfadado e das primeiras mascaradas que se puideron ver polo barrio.
Seguir lendo

Farelo frío

2017-02-12-domingo-fareleiro_55A xornada de onte veu disfrazada de frío e choiva, circunstancia esta que non impediu que arrincaramos con unha nova edición do Entroido nas Eiroás. Cómpre moito que chova e, aínda que nos cause algún atranco, imos dalo por ben feito. Seguir lendo

Programa 2017

imgp4110

Arrincamos. Vindeiro domingo día 12 bota a andar unha nova edición da Festa da Pita (a 19ª). Xa as autoridades do barrio deron as benzóns e as licencias oportunas e contan que este ano o Meco chegará da man do asesoramento da familia Perez-González. Pero iso será o domingo, pouco antes do xantar, cando deamos saída á celebración do Entroido en todo o término municipal do concello de Ourense. Para alén da participación no desfile da cidade de Ourense, ou das actividades programadas en diversos centros de ensino, o programa deste ano nas Eiroás segue a tónica das edicións anteriores, consistindo no seguinte:

Seguir lendo