Cartaz do ano 2017

cartaz-2017

Como cada ano, a imaxe da nosa festa é produto da creación dun artista ourensán. É así como, ano tras ano, vaise incrementando a perspectiva gráfica de pintores, deseñadores, ilustradores… que nos agasallan coa súa visión da Pita e da Festa. Neste 2017, a persoa que amablemente colaborou con nós (nunha sorte de carreira contra-reloxo), realizando a imaxe da nosa festa para este ano foi Pablo Otero, quen escolleu a parte superior da carauta e as cores básicas da máscara nun fondo branco e con unha lembranza ao principal elemento patrimonial do barrio, o Pazo.

Podedes ver aquí todos os carteis das edicións anteriores.

Moitas grazas, Pablo, pola túa desinteresada colaboración.

Exposición sobre máscaras europeas

affiche-web

Entre os días 2 e 11 de decembro, o Espazo Cultural das Artes da máscara, situado no distrito 19 parisino, acollerá a segunda edición do proxecto intercultural “Máscaras e carnaval”.

A exposición presentará diversas festas de máscaras europeas localizadas en distintos puntos de Franza, Inglaterra, Italia ou Eslovenia, así como Catalunya e Galiza dentro do Estado español.

Na mostra terán unha especial relevancia os artesáns e creadores de máscaras, propoñéndolle ao público francés a descuberta dos obradoiros onde se realizan carautas e máscaras con materiais tan diferentes como a madeira, o metal, a pel, o feltro, o papel, o estuque, o papel-maché ou o papel prensa. No que atinxe ás máscaras galegas, haberá espazos para o Peliqueiro de Laza, o Cigarrón de Verín, a Pantalla de Xinzo de Limia, a Pita das Eiroás (Ourense) e o Volante e o Peliqueiro do Entroido Ribeirao de Santiago de Arriba (Chantada). Seguir lendo

O ensino público no broche da Pita

IMG_3947O vindeiro domingo poderemos ver as primeiras Pitas nas Eiroás. Estas primeiras máscaras serán as encargadas de levar o xa habitual carro das olas até a praza, onde terá lugar o xogo que centra a actividade deste Domingo Oleiro no noso barrio. Este ano contaremos con olas decoradas por escolares das novas Escolas amigas da Pita: CEIP As Mercedes, CEIP Curros Enríquez e CEIP Manuel Sueiro, ademáis das mozas e mozos das Eiroás.

Estaremos acompañados da Charanga Os Chispas e, ao rematar nas Eiroás, imos levar a “proba das olas” ao centro da cidade, concretamente á praza do Correxedor, onde temos programado o concerto do grupo A Troba do bugallo, despois de estrear a céntrica praza como espazo de xogo para as nosas olas.

COR DA FITA

A nova cor que pendurará do broche da Pita neste ano 2016 será a VERDE CLARA, coa que queremos facer fincapé na defensa do ensino público, despois de ter sido unha das propostas de cor nos últimos anos e ante a continuidade dun modelo que semella ir encamiñado cara a precarización dos servizos públicos e de calidade.

Nos últimos anos vimos sufrindo con cada mudanza no governo a elaboración dunha lei educativa diferente leis que nos achegan cada vez máis á “escola da ignorancia”.

É importante lembrar que o ensino público é o único que garante a educación en igualdade entre homes e mulleres, o verdadeiramente intercultural e realmente aberto; o que mira cara adiante sen medo e para ben. É o que non serve de distincións caducas baseadas na clase social, o lugar de orixe ou a relixión para se distinguir. É ademáis o que conta con máis e mellores profesionais e recursos para o seu alumnado. Por estes motivos nos sumamos á defensa do ensino público, posto que o este é o modelo que promove o dereito fundamental e democrático dunha educación universal gratuita e de calidade, baseada nos valores do progreso e na xustiza social.

Podedes ver aquí todas as cores que penduran do broche de coiro da nosa máscara, así como o ano e os motivos que representan.

Olas no Correxedor

olascorrexedorVindeiro domingo 31 terá lugar o Domingo Oleiro nas Eiroás. E nesta edición queremos dar un paso máis á hora de compartir a nosa festa coas veciñas e veciños do resto da cidade.

Cando no ano 1999 botabamos a andar coa Festa da Pita, procurando incardinar o programa da nova festa dentro do ciclo tradicional galego, atendiamos a diversos etnógrafos como Taboada Chivite que indicaban que o xogo das olas tiña lugar na cidade de Ourense o Domingo Corredoiro ou o Xoves de Comadres. Foi este un dos principais motivos polos que nas Eiroás celebramos este domingo e -xunto a Seixalbo- seguimos facendo boas as palabras do etnógrafo verinés.

Hoxe, 17 edicións máis tarde, queremos levar algunhas olas directamente desde a praza das Eiroás até a praza do Correxedor. Non é máis ca unha proba, un chiscar de ollos para convidar á veciñanza da cidade a probar o xogo que vai protagonizar a xornada do domingo 31 nas Eiroás.

E farémolo coa colaboración do Café Cultural Auriense e do grupo A Troba do bugallo, que nos ofrecerán un concerto festivo despois das 8 e media do serán. Seguir lendo

Farelou nas Eiroás

fareleiro2016_17Así foi o Domingo Fareleiro nas Eiroás, que comezaba a xornada xa de manhá coa chegada do Meco e a habitual recepción das autoridades. Acompañaban ao encargado de presidir a praza os seus asesores de imaxe, que neste ano foron a familia Gutiérrez López e un nutrido grupo de veciñas e veciños que non quixeron perderse evento de tanto glamour.

Xa despois do xantar, puidemos gozar dunha tarde mui pouco propia do tempo do ano no que estamos, o que propiciou que mañá se podan comer croquetas en algún que outro fogar dos arredores. Eis algunhas imaxes da xornada: Seguir lendo

Programa 2016

martes_entroido_374Imos aló. Un chisco máis cedo ca de costume, bota a andar una nova edición da Festa da Pita (a 18ª). Xa as autoridades do barrio nos deron as licencias oportunas e contan que este ano o Meco chegará da man do asesoramento da familia Gutiérrez-López. Pero iso será mañá, pouco antes do xantar, cando deamos saída á celebración do Entroido en todo o término municipal do concello de Ourense. O programa deste ano é o seguinte: Seguir lendo

Cartaz da festa 2016

pita2016Como cada ano, a imaxe da nosa festa é produto da creación dun artista local. Neste ano, a persoa que nos agasallou coa súa visión gráfica da nosa celebración foi Mónica Blanco Reigada, quen escolleu una imaxe retocada da nosa máscara portando una ola, e facendo énfase sobre o primeiro día que corren o Entroido as máscaras das Eiroás.

Podedes ver aquí todos os carteis das edicións anteriores.

Grazas, Mónica, pola túa colaboración

Martes de Entroido 2015

martes_entroido_2015Mantívose despexada toda a xornada do Martes de Entroido nas Eiroás. Despexada e cun certo airiño fresco que nos vai axudar a manter a pel tersa e suave como adoitamos por estes lares.

Un ano máis, comezaba o Martes xa de mañá cun percorrido de músicas e máscaras polo barrio anunciando a chegada do día grande e convocando á veciñanza na Praza das Eiroás onde, puntualmente á 1 da tarde, tiña lugar a Voda da Pita, que non quixeron perderse diversos convidados especiais, tais como Pablo Iglesias, o pequeno Nicolás ou o presidente da Asociación de Políticos Corruptos.

Despois veu o xantar popular, o Pita Chef (unha pequena mostra do que pode ser un concurso que se repita en posteriores edicións) e, xa pola tarde, o baile de máscaras e concurso de disfraces, que se foi animando máis e máis conforme ía avanzando o día até rematar despedindo o Entroido do xeito que vimos facendo nas Eiroás desde hai 17 anos, é dicer, queimando o Meco que, este ano contou co asesoramento de imaxe das familias Sánchez-Morenza e Portela-Álvarez. Eis unha extensa reportaxe gráfica da xornada:

Seguir lendo

Unha ducia de Pitas

cartaz_expoNos últimos 12 anos, a Festa da Pita contou coa colaboración de diversos artistas e deseñadores ourensáns, que aportaron a súa visión particular da festa e da máscara no cartel que promocionaba cada ano o Entroido deste barrio ourensán. Estes traballos conforman hoxe un abano heteroxéneo da iconografía do noso Entroido e unha mostra de interese artístico. Os carteis e os nomes dos autores (a quenes seguimos enormemente agradecidos) podedes velos neste apartado do web .

A mostra lévase adiante froito dun convenio de colaboración asinado entre o Centro Deportivo Serviocio Ourense e a Asociación das/os Amigas/os da Pita, e inclúe un programa de actividades que achegan o Entroido d’As Eiroás aos usuarios deste centro. Seguir lendo

#JeSuis…

broche3Do ombreiro do traxe da Pita sae un broche (ou perfura) de coiro que nos indica a antigüidade de cada máscara. No propio broche pode verse o logotipo da asociación e a data na que saiu por primeira vez a máscara completa (2002). Da perfura colgan unhas fitas grosas de cores, cada unha representando o ano en que correu o entroido esa máscara.

A cor de cada fita elíxese en base aos feitos acaecidos no ano anterior, e neste senso, unha fita especial pendurará do broche neste 2015, pois será o primeiro ano no que as fitas de cada Pita poderán ser distintas. Ao longo do último ano, nomeadamente na parte final -consecuencia dos atentados de París contra da revista Charlie Hebdo– vimos observando a fraxilidade da liberdade de expresión. A deshumanización duns asesinos ou as medidas adoitadas en consecuencia que, muitas das veces, coartan os nosos dereitos fundamentais, fan que nos prantexemos distintas cuestións que queriamos reivindicar e ter presentes na fita deste ano 2015: até onde podemos satirizar, de que nos podemos rir, sobre que podemos opinar, que páxinas web ou medios podemos visitar, de que ideoloxías ou crenzas deben ser o noso circo de amizades… Seguir lendo