Farelou nas Eiroás

A chegada dun frente cálido polo sul trouxo consigo un lixeiro ascenso das temperaturas, o que provocou unha xornada vespertina ben agradable nas Eiroás. Aínda por determinar se o que caiu no barrio ourensán era farelo ou partículas de area en suspensión procedentes do norte de África, o caso é que así decorreu o  Domingo Fareleiro nas Eiroás. A xornada comezaba xa de mañá coa chegada do Meco e a habitual recepción por parte das autoridades do barrio. Acompañaban ao encargado de presidir a praza os seus asesores de imaxe e un nutrido grupo de veciñas e veciños que non quixeron perderse evento de tanto glamour. Foi un espectáculo ver con que gracianatural trepaba pola farola para encaramarse ao máis alto da praza e ocupar o lugar de honra que ben merece tan alta distinción.

Volveu farelar nas Eiroás

Así foi o Domingo Fareleiro nas Eiroás. A xornada comezaba xa de mañá coa chegada do Meco e a habitual recepción por parte das autoridades do barrio. Acompañaban ao encargado de presidir a praza os seus asesores de imaxe, que neste ano foron os membros da familia Pérez González e un nutrido grupo de veciñas e veciños que non quixeron perderse evento de tanto glamour. Foi un espectáculo ver con que gracianatural trepaba pola farola para encaramarse ao máis alto da praza e marcar a saída da vixésima edición da Festa da Pita.

Farelo frío

A xornada de onte veu disfrazada de frío e choiva, circunstancia esta que non impediu que arrincaramos con unha nova edición do Entroido nas Eiroás. Cómpre moito que chova e, aínda que nos cause algún atranco, imos dalo por ben feito.

Farelou nas Eiroás

Así foi o Domingo Fareleiro nas Eiroás, que comezaba a xornada xa de manhá coa chegada do Meco e a habitual recepción das autoridades. Acompañaban ao encargado de presidir a praza os seus asesores de imaxe, que neste ano foron a familia Gutiérrez López e un nutrido grupo de veciñas e veciños que non quixeron perderse evento de tanto glamour.

Xa despois do xantar, puidemos gozar dunha tarde mui pouco propia do tempo do ano no que estamos, o que propiciou que mañá se podan comer croquetas en algún que outro fogar dos arredores. Eis algunhas imaxes da xornada:

Así foi o Fareleiro

Este ano tocou choiva. E frío. Malia as circunstancias adversas, demos por iniciado o noso particular ciclo do Entroido, que inauguramos un ano máis pola mañá coa recepción do Meco por parte das autoridades do barrio. Un Meco que este ano contaba cun amplo equipo de protocolo e asesoramento formado polas familias Sánchez-Morenza e Portela-Álvarez.

Xa de tarde, pouco tempo houbo para a propia actividade do día. Aínda así, animados pola Charanga Os Caliqueños e polas ganas de Entroido que xa se deixaban ver, desenvolveuse a xornada entre un pingueiras de choiva e baixadas térmicas. Eis unhas fotos da mesma:

Non era auga o que chovía

E foi chegar o Entroido ás Eiroás e parar de chover. Polo menos auga, que outra cousa máis seca pululaba polo ambiente da praza ao longo da tarde.

Pola mañá, a Meca chegou ao barrio, onde foi recibida por parte das autoridades do barrio, coas honras que a súa posición merecía. Despois de trepar pola farola e ocupar o seu sitio na presidencia da praza, botou unha sestiña agardando a que comezara a xornada vespertina.

Así foi o Fareleiro

O Domingo Fareleiro significaba o inicio -por 15º ano consecutivo- da Festa da Pita no barrio d’As Eiroás. A choiva e o frío marcaron boa parte da xornada, nomeadamente na parte matutina.

E malia as condición climatolóxicas provocaron unha mermada afluencia á praza, non deixaron de facer a súa presenza os máis festeiros, para testemuñar -un ano máis. que o Meco ocupaba o seu lugar e que o Entroido xa chegara ao barrio ourensán.

Programa do 2013

Como comentabamos no post anterior, vindeiro domingo o farelo será o protagonista do comezo do Entroido no barrio d’As Eiroás. Fican muitos días de troula até que o Meco probe o lume na noite do Martes de Entroido e, aínda que ven sendo o programa habitual doutros anos, aquí vos deixamos as previsións do presente 2013.

E nesta ocasión aproveitamos para presentar a imaxe deste ano; realizada polo deseñador Iván Bendaña, veciño do barrio e amigo da festa. Iván escolleu 2 elementos patrimoniais do barrio para ilustrar o cartaz: o Pazo d’As Eiroás (principal testemuña das actividades da festa) e a Pita (máscara da festa), empregando na composición as cores da máscara.

Chega o Domingo Fareleiro do 2013

Xa volta a chamar o Entroido na porta. E ven con frío este ano, así que haberá que facer un esforzo extra nas carreiras e danzas precisas para combatilo.

Tal e como é habitual n’As Eiroás, o ciclo comeza co Domingo Fareleiro, que coincide neste ano o vindeiro domingo 27, sendo a praza principal do barrio -un ano máis- a testemuña das primeiras fareladas e bailes da festa.

Ademáis, este día aproveitamos tamén para recibir o Meco, que chega por volta do mediodía á devandita praza.

27 de xaneiro.- Domingo Fareleiro
Pola mañá: Colga do meco
Desde as 5 da tarde, máis ou menos: o farelo e a fariña serán os protagonistas na Praza d’As Eiroás. Actuación da Charanga NOVA TERRA.

//

Así foi o Domingo Fareleiro

Até a saraiba fixo a súa aparición na Praza das Eiroás ao longo da tarde. Choveu, escampou… e entre unhas cousas e outras houbo tempo para abrir a celebración da nosa Festa. Pola mañá colgamos o Meco, ao que lle emprestamos un paraugas en vista de que chovía e podía mollarse, ou coller un frío… ou calquera outra cousa. Eis algunhas fotos da xornada