Oliñas veñen e van

oleiro2015-13Un ano máis, as olas escacharon na praza das Eiroás. Unha tarde de domingo fría pero soleada permitiu que a veciñanza puidera achegarse á praza para participar desta xornada lúdica; iso si, máis como espectadores que como participantes do xogo.

Gozamos pois dun bon ambiente, desenfado e as primeiras mascaradas que se puideron ver no barrio.

Este ano, as olas estaban decoradas por escolares do CPR Divino Maestro e por nenas e nenos do barrio, que se achegaron até o local social na tarde do sábado.

Como de costume, foron as primeiras Pitas do ano as que trouxeron o carro das olas até a praza. E fixérono lucindo a fita pola liberdade de expresión que representa ao ano 2015, ademáis de seren as encargadas de abrir o tradicional xogo das olas.

Despois, olas grandes, olas pequenas e globos de auga voaron e escacharon no chan, mentres soaba a Charanga Os Chispas, que lle aportou a sonoridade e a musicalidade a esta fermosa tarde. Eis algunhas imaxes das xornadas do sábado e do domingo: Seguir lendo

Advertisements

#JeSuis…

broche3Do ombreiro do traxe da Pita sae un broche (ou perfura) de coiro que nos indica a antigüidade de cada máscara. No propio broche pode verse o logotipo da asociación e a data na que saiu por primeira vez a máscara completa (2002). Da perfura colgan unhas fitas grosas de cores, cada unha representando o ano en que correu o entroido esa máscara.

A cor de cada fita elíxese en base aos feitos acaecidos no ano anterior, e neste senso, unha fita especial pendurará do broche neste 2015, pois será o primeiro ano no que as fitas de cada Pita poderán ser distintas. Ao longo do último ano, nomeadamente na parte final -consecuencia dos atentados de París contra da revista Charlie Hebdo– vimos observando a fraxilidade da liberdade de expresión. A deshumanización duns asesinos ou as medidas adoitadas en consecuencia que, muitas das veces, coartan os nosos dereitos fundamentais, fan que nos prantexemos distintas cuestións que queriamos reivindicar e ter presentes na fita deste ano 2015: até onde podemos satirizar, de que nos podemos rir, sobre que podemos opinar, que páxinas web ou medios podemos visitar, de que ideoloxías ou crenzas deben ser o noso circo de amizades… Seguir lendo

Decorando as olas

IMG_0342Chega o Domingo Oleiro e -como ven sendo costume- abrimos un espazo para a decoración das olas por parte dos veciños máis mozos. Neste ano contamos coa axuda dos escolares do CPR Divino Maestro, que deseñaron e pintaron unha parte das olas que se van escachar mañá domingo na praza das Eiroás.

O pasado xoves, unha representación da nosa asociación visitou este centro, en compañía da concelleira de Educación e Cultura, Ana Garrido para recoller estas olas e posteriormente -o venres- para realizar unha presentación da nosa festa. Seguir lendo

Imaxe da Festa da Pita 2015

ImprimirEntre os elementos que rodean Festa da Pita, é de salientar o feito de que cada ano un artista da nosa cidade ou provincia nos agasalla coa súa visión gráfica da nosa celebración

Procuramos con isto unha visión gráfica da festa por parte dos creativos do noso entorno, que se erixen así como colaboradores da mesma, aportando un abano heterodoxo de imaxes de calidade, que conforman o que puder ser unha serie de “carteis de colección”. Con este van 12 anos desde que comezamos a gozar destas colaboracións, podes ver aquí todos os carteis das edicións anteriores.

Para 2015, e despois duns pequenos atrancos sobre a previsión inicial, Xosé Lois Vázquez “Che” xoga coas cores básicas da nosa máscara e con un pormen or da máscara da Pita exercendo como altofalante do anuncio da festa.

Grazas, Che, máis unha vez, polo teu traballo.

Preparando as olas

eiroas5Xa ven o Domingo Oleiro e temos que ir pensando en preparar as olas, como facemos habitualmente. Este ano tivemos un apoio mui importante, os escolares do CEIP Virxe de Covadonga deseñaron e pintaron a maior parte das olas que se han escachar o domingo na praza.

Esta mesma mañá, membros da Comisión de festas visitaron as 2 unidades deste centro de ensino par recoller as olas que xa tiñan decoradas. Participou tamén do acto de entrega a Concelleira de Cultura e Educación, Ana Garrido.

Nas fotos podemos ver distintos momentos da entrega, así como algúns dos fermosos deseños escollidos polas nenas e nenos do centro. Seguir lendo

Non era auga o que chovía

IMGP6045E foi chegar o Entroido ás Eiroás e parar de chover. Polo menos auga, que outra cousa máis seca pululaba polo ambiente da praza ao longo da tarde.

Pola mañá, a Meca chegou ao barrio, onde foi recibida por parte das autoridades do barrio, coas honras que a súa posición merecía. Despois de trepar pola farola e ocupar o seu sitio na presidencia da praza, botou unha sestiña agardando a que comezara a xornada vespertina. Seguir lendo

Branco e negro no broche

broche3Do ombreiro do traxe da Pita sae un broche (ou perfura) de coiro que nos indica a antigüidade de cada máscara. No propio broche pode verse o logotipo da asociación e a data na que saiu por primeira vez a máscara completa (2002). Da perfura colgan unhas fitas grosas de cores, cada unha representando o ano en que correu o entroido esa máscara.

A cor de cada fita elíxese en base aos feitos acaecidos ao longo de cada ano, e neste senso, unha fita BRANCA E NEGRA será a que pendurará do broche neste 2014, pois desde a Asociación Amigas/os da Pita entendemos que en 2013 vivimos unha serie de reformas sociais e lexislativas que nos retrotraeron a outros tempos, anos nos que a cor non estaba presente na televisión (nin, en parte, nas nosas vidas). Dubidando de se en cualquer momento o NO-DO regresa ás televisións e salas cinematográficas, decidimos darlle cabida no traxe a esta circunstancia; iso si, con unha cinta a topos para tentar quitarlle ferro ao asunto.
Lembrar que as primeiras máscaras poderanse ver n’As Eiroás o Domingo Oleiro (vindeiro 26 de febreiro).
Aquí pódese facer un repaso das distintas fitas e do seu significado que representan aos 13 anos de antigüidade