Programa 2017

Posted on 09/02/2017 by Festa da Pita

imgp4110

Arrincamos. Vindeiro domingo día 12 bota a andar unha nova edición da Festa da Pita (a 19ª). Xa as autoridades do barrio deron as benzóns e as licencias oportunas e contan que este ano o Meco chegará da man do asesoramento da familia Perez-González. Pero iso será o domingo, pouco antes do xantar, cando deamos saída á celebración do Entroido en todo o término municipal do concello de Ourense. Para alén da participación no desfile da cidade de Ourense, ou das actividades programadas en diversos centros de ensino, o programa deste ano nas Eiroás segue a tónica das edicións anteriores, consistindo no seguinte:

 

 

12/02  DOMINGO FARELEIRO

Pola mañá

Recepción do Meco polas autoridades do barrio

Desde as 5 da tarde

Farelo na praza, con música de Charanga OS CALIQUEÑOS

 

19/02  DOMINGO OLEIRO

Ás 5 da tarde, máis ou menos

Chegada das Olas á praza.

Xogo das Olas con música de Charanga OS CHISPAS

 

25/02  SÁBADO de ENTROIDO

Entre lusco e fusco.

Folión do Entroido

 

28/02  MARTES de ENTROIDO

Pola mañá

Pasa-rúas con máscaras e músicos

Apertura do Mercadiño de dona Gumersinda

13 h.

Voda da Pita

Xantar dos noivos, con música de Charanga SANTA CECILIA

(Apuntarse no Bar da Comisión antes do Domingo Oleiro)

Pola tarde

Baile de disfraces con Orquestra FIN DE SIGLO

Concursos e pasarelas de disfraces

Apartir das 9 da noite

Queima do Meco

 

Filed under: Uncategorized | Tagged: ,,,,,, |

« »

Deixar un comentario

  • GRAZAS POR TODO

  • Pechamos unha nova edición da festa. Alá van 26 anos botando foguetes e tentando crear unha identidade cultural, festiva e lúdica para o barrio e o seu contorno. 26 anos que deron para moito, para momentos bos e para momentos aínda mellores, con algúns que outros atrancos aos que sempre se lles atopa solución.
    Só queda agradecer a colaboración daquelas persoas e entidades que fixeron posíbel os distintos momentos da festa. Grazas ao Leandro Sánchez Bobillo, por lle poñer imaxe á 26ª edición da festa. Grazas ao Concello de Ourense, pola súa colaboración para levar adiante este entroido. Grazas tamén ao INORDE, que nos cedeu as vallas para tentar ordenar unha praza, que máis semella un parque temático de sinais de tráfico, especialmente transitada por vehículos de fóra do barrio. Grazas aos centros de ensino e a esas outras entidades que traballan tan ben o Entroido e a nosa festa no seu centro, especialmente á nosa escola amiga deste ano, o CEIP A Ponte. Grazas ao Centro Comercial Ponte Vella e a BeOne, que nestes tempos especialmente difíciles permitiron -un ano máis- que seguiramos abusando deles e facendo posíbel que o Entroido chegara ás Eiroás. E grazas, por enriba de todo, ás veciñas e aos veciños sen cuxa colaboración e participación non tería sentido que o Meco presidira a praza durante estes 16 días. Grazas, por último, a todas as persoas que vos achegastes até As Eiroás, agardando que gozarades da festa ou cando menos da nosa hospitalidade. Fixemos o que puidemos; e se nalgunha cousa faltamos, outro ano sobraremos. Pola nosa parte, voltaremos colgar o Meco (ou Meca) o 16 de febreiro de 2025 para celebrarmos unha nova edición da Festa da Pita. Vivide o Entroido, aló onde esteades!

  • VODA DA PITA 2018

  • VODA DA PITA 2017

  • VODA DA PITA 2016

  • VODA DA PITA 2015

  • VODA DA PITA 2014